新手請問養海魚所需植物

天智

我依家養左幾條海魚，其中有一條係小醜魚，但想令個魚缸靚d,請問養咩植物可增填生氣？如海葵/珊瑚，要易養的，請附上該植物名字🙏🙏，唔該曬🙏

天智

唔該曬🙏

小魚毛

海洋生物對人工或者化學物都比較敏感，最好唔好亂咁放「玩具」落去。

與其買咩屋仔沉船，不如買假生物石或者假珊瑚，起碼件product o既 target 都係海缸；不過穩陣啲，買之前問清楚，買之後洗乾淨，再浸佢幾日鹹水至落缸，點都唔少得。

去啲只買海魚o既舖頭搵貨，再去其他舖頭格價。魚街啲sale，只要你畀錢，佢咩都會話養到，咩都會話啱用，問多幾間至好畀錢。

天智

多謝詳細答案🙇🏻‍♂️🙏😘，咁我只養海螺了。
同埋想問，如果唔養生物石，可以用普通魚缸裝飾石取代？對海魚會唔會有影響？

小魚毛

差啲唔記得，貝、蝦同其它無脊椎類生物類(包括珊瑚)，都係對銅極之敏感，而銅又普遍用作醫魚o既藥物，所以放得佢地落魚缸，如果啲魚有病，都唔可以隨便落藥醫，否則未醫魚，先殺清所有無脊椎類生物類。

呢個係另一個原因點解純魚缸同珊瑚係兩套完全唔同o既系統。

小魚毛

天智 發表於 2021-10-23 01:17
還有，我可以養埋海星/海馬嗎？

海星都有好多種，有啲要有沙底，有啲會食珊瑚，所以唔可以就咁答你得定唔得。

海馬就可以好肯定咁答你唔可以，因為進食習性同水流問題，佢唔可以同魚混養。

可以考慮醫生蝦，不過一定要有生物石之類o既地方畀佢匿埋，否則佢定期換殼嗰陣會畀魚食咗。

另外都可以放食苔螺、鮑魚、跳螺等o既貝類入缸，佢地食苔食垃圾，有清潔功能，零照顧需要，或者係你心中所求o既易養生物。

如果真係唔咁心齋養魚咁寡，咁不如考慮升級轉玩混養缸，不過所有器材設備都要重置，而且好多知識技術需要涉獵，值唔值得花心血落去，就只有你自己知。切忌喺個咩器材都無o既純魚缸度試玩，死幾件珊瑚其實己經夠你換件新器材，無謂嘥錢嘥時間，更重要係白白犠牲珍貴o既海洋生命。

小魚毛

養海魚無所謂所須植物，魚、珊瑚、水草卅水藻（你所指o既海洋植物?），佢地係唔同種類o既生物，養佢地所須o既係唔同o既器材設備。

飼養海洋生物，按照所須器材，基本可以分為純魚缸＆珊瑚缸，珊瑚缸又可再按照不同種類o既珊瑚再細分。以器材而論，純魚缸只需要入門級o既基本設備就可以，但珊瑚缸o既設備須求就複雜得多。所以養到魚唔等於養到其他海洋生物，唔好幻想咩都可以就咁放落魚缸養。

海洋生物根本唔易養，易養嗰啲你都唔會想放佢落缸（eg.海毛蟲、鬼爪卅垃圾海葵）。海草我無玩唔敢亂吹，海葵係珊瑚近親，兩者都要有合適環境至可以生存，水溫、水流、水質、光照，每一項條件都要有專用o既器材去協助控制。單單一部水冷機己經要４位數字，仲要搵地方擺，問題係你肯唔肯為「增填生氣」，而咁樣花錢花時間？

魚缸可以係你屋企o既裝飾品，不過海葵、珊瑚，或者所謂海洋植物，佢地唔可能係你個魚缸o既裝飾品。佢地全部都係生物，唔係你畀咗錢放佢落缸，佢就會「生存」畀你睇。

籠屋劏房係可以住到人，但再要養小動物其實都幾虐待，珊瑚就好似原始森林o既動植物，要o係居住條件咁差（唔單指空間，更重要係溫度、空氣流通等衛生條件）o既情況下生存，可能性有幾高，可想而知。

天智

超新手 發表於 2021-10-23 11:01
珊瑚係值物

新手邊會識分咁多？唔係都唔會叫新手喇，請問師兄你咁覆我算係解答左問題？有d問非所答哦😮‍💨

超新手

珊瑚係值物

天智

還有，我可以養埋海星/海馬嗎？