各位師兄, 本人是海水魚新手, 由玩了十幾年琶轉會玩咸野, 開缸不到3個月, 已遭到白點問題, 暫時已控制, 但有以下迷思, 望高手解答, 謝. (以下文字有點長, 見諒).
我想知道, 魚街各樓上舖都係各師兄入魚的地方, 唔講一盆盆D新返魚, 我想說魚缸內D魚, 佢地點控制白點及檢疫問題? 因為佢地新返魚一定會賣剩或因無位置放等原因, 會唔夠7日或更少日子就直車落大缸(我見過由個盆就咁西落大缸), 無所謂正確檢疫就放大缸, 是否好大機會野到成缸都係白點虫或其他菌呢? 但我又見間間魚舖有D缸有D成個月賣唔去的魚好健康喎.
1. 請問買這些魚回家, 是否可以免檢疫. (因為條魚都放在他們的大缸兩三個星期, 就正如某家的馬鞍/炮彈, 某家的藍圈/圈帝, 我留意到它們真的留在魚舖很久了).
**先封後門: 我真係想吸收知識, 請指導, 望師兄唔好說一些: 你米賣黎試下唔檢疫直車落缸囉…., 
2. 如果以上魚都是會有白點虫, 那他們點控制唔爆出黎俾我地睇到呢, 唔通長期用銅藥 ? 還是一見魚有事就西走佢?
3. 題外話: 魚街魚舖係用鹽開水, 還是用厠所水加剎菌燈呢, 佢地差唔多成600/700或過千liter一個魚缸水, 用鹽米好貴? 抑或佢地好耐先換水, 那點控制水質呢 !
我明白在商言商, 佢地一定人有人路, 鼠有鼠路…., 各位大哥大姐不防說說意見, 謝.
|
發表於 2018-11-5 13:30:28
收藏
支持
反對