請問珊瑚海魚混養缸，係咪唔可以用生物環？

Hang12

各位前輩請幫忙，小弟只有簡單器材，只用濾筒，有用蛋分（bmq3)，及Ats藻盒，請問混養缸需要用珊瑚骨代替生物環嗎？還是連珊瑚骨都不需？如果冇生物環，No3又點清除？小弟開缸至今有9個月，一開始啊仔話想養波波魚（金木盒），所以才開始養海水魚， 大部份器材都是一位養魚前輩給小弟的，用的是一個兩尺淨缸加兩個濾筒加舊生物環（前輩稱所有器材都冇落過药），缸底鋪一寸幼沙就開缸。由一開始只養幾條金木盒魚仔及蝦仔到半年前開始共養一些平價珊瑚及小丑科，當中都死咗好多魚（木盒）及幾個珊瑚，現時己放棄飼養木盒。命硬的只有兩隻醫生蝦，兩隻寄居蟹同一顆豬腰由開缸存活至今，兩個月前引入一掛缸蛋白（BMq3)及海利28A水冷，二手shark嘅珊瑚燈，中科迷你造浪，一個月前再引入中國制ats掛式藻盒，内放有不同藻類加相反時間開燈。現時養的有幾條小丑、兩條吊、兩條古b、一青魔、幾條魚仔，一海滲、幾隻蝦。一天只餵一次魚及一星期餵一次小量珊珊糧，一星期換5份一水（慢加）。雖然兩個月至今，魚的存活大大提升，只死了一條不開口的藍吊，但no3嘅數目持續維持於25-50水平，PH值只有7.8-8水平，部分珊瑚仍然開得不好甚至每放越下，由其是飛盤及紫氣泡，己見骨養了兩個月至今情況未有好轉

Wilsont

我放很大量生物石在主缸去NO3及養很很大量水草在沙缸用30W LED開24hr去PO4, 在珊瑚江養了七條魚包括皇帝。用AB水。餵食正常，一個月才換水15%. 主缸盡量開籃燈。珊瑚正常生長.並大了幾倍。NO3是0及PO4是很低。

inin

Wilsont 發表於 2020-4-21 04:29
我放很大量生物石在主缸去NO3及養很很大量水草在沙缸用30W LED開24hr去PO4, 在珊瑚江養了七條魚包括皇帝。用 ...

師兄，我想問下我珊瑚缸都有種大量提子草同鋼絲草， no3降到接近check唔到，但po4好誇張有3ppm，請問仲有咩方法可以降到po4?

Hang12

Wilsont 發表於 2020-4-21 04:29
我放很大量生物石在主缸去NO3及養很很大量水草在沙缸用30W LED開24hr去PO4, 在珊瑚江養了七條魚包括皇帝。用 ...

唔該師兄🙏🙏🙏

Hang12

Wilsont 發表於 2020-4-21 04:29
我放很大量生物石在主缸去NO3及養很很大量水草在沙缸用30W LED開24hr去PO4, 在珊瑚江養了七條魚包括皇帝。用 ...

師兄姐係底缸只有蛋分加藻缸就夠嗎？請問可以欣賞下你個底缸嗎？

小魚毛

一般生物環只提供到好氧環境畀硝化系統細菌工作，將缸內生物o既排泄物處理：NH4->NO2->No3

但最後一個硝化程序：將NO3分解成氮氣釋放到缸外，就要有厭氧環境畀另一種脫氮細菌工作。而生物環係無辦法提供到合比例o既厭氧環境畀脫氮細菌，所以造成NO3大量積聚，咁對FOT呢講唔成問題，一般珊瑚魚都頂得到高NO3環境，但對水質要求高o既珊瑚呢講，NO3高係致命o既。
根據呢個原則，一般珊瑚缸都都唔建議用生物環，但都有例外，據聞SERA有隻玻璃環可以處理到NO3問題，但我自己無用過，你最好請教用過o既玩家。

小魚毛

珊瑚缸處理NO3 o既方法，大概有呢幾樣：
1)生物石：無論係放底缸做過濾或者放主缸兼造景，生物石都同時兼有養殖整個硝化系統細菌o既功能，佢同時兼有好氧區同厭氧區，係自然珊瑚礁區o既硝化系統系所在，珊瑚缸只係模擬翻呢個原理將生物石搬到人功養殖o既魚缸內。
2)主缸舖沙面或者沙缸放厚沙都有培養踃化細菌效能，不過要視乎沙o既厚度，同埋要留意有機會積存太多垃圾導致反缸o既問題。
3)以外加o既碳源培養細菌處理NO3，古老o既土法有加酒精，近十年出現o既商品就係煲豆或者通心粉。
4)以沸石過濾水中o既PO4同NO3等營養鹽，呢種技術都係近十年八年間出現，算係效率最高o既方法，不過就要專用o既器材（石仔桶）配合。
5)養草其實應該係古老方法，不過係近年至再受人留意，要注意o既係，呢個自然方法要求藻屏\草缸大小要同主缸成一定比例，否則養咩草都無用，地方有限o既就一定要計清楚。

各種方法無話絕對有效，平貴、複雜程度、風險同效能高低各有不同，更多情況係會同時用兩三種方法，問題在乎你理解同可以操作幾多種方法。

小魚毛

inin 發表於 2020-4-21 09:29
師兄，我想問下我珊瑚缸都有種大量提子草同鋼絲草， no3降到接近check唔到，但po4好誇張有3ppm，請問仲有 ...

降PO4可以用ROWA，直接入網袋放過濾就得，安全方便。
想煲可以用PO4豆，要同時降NO3同PO4又可以揀All in one 豆。

inin

小魚毛 發表於 2020-4-22 13:24
降PO4可以用ROWA，直接入網袋放過濾就得，安全方便。
想煲可以用PO4豆，要同時降NO3同PO4又可以揀All in ...

收到，聽落rowa好似方便D。。試下先，thx~

Hang12

師兄唔該哂，我試下先🙏🙏🙏

Hang12

小魚毛 發表於 2020-4-22 13:24
降PO4可以用ROWA，直接入網袋放過濾就得，安全方便。
想煲可以用PO4豆，要同時降NO3同PO4又可以揀All in ...

師兄，有冇邊個牌子介紹？

小魚毛

Hang12 發表於 2020-4-29 10:58
師兄，有冇邊個牌子介紹？

除磷劑可以有好多，不過如果話ROWA，一般都係指呢隻：

黑色、粉狀或顆粒狀，遇水會釋出鏽色。用網袋放有流位就得，可先用水略沖洗後落缸。

小魚毛

PO4同All in One豆就比較多牌子，不過最早出最多人用就應該係佢
DVH AquaticsPO4X4 PHOSPHATE REMOVER

All-In-One BioPellets

great.

小魚毛 發表於 2020-4-22 13:18
珊瑚缸處理NO3 o既方法，大概有呢幾樣：
1)生物石：無論係放底缸做過濾或者放主缸兼造景，生物石都同時兼有 ...

師兄，咁請問如果我喺珊瑚缸道放左生物石/鋪厚沙，咁個濾桶係咪只放白棉就得？

小魚毛

great. 發表於 2020-6-3 22:52
師兄，咁請問如果我喺珊瑚缸道放左生物石/鋪厚沙，咁個濾桶係咪只放白棉就得？

關於厚沙問題，你睇翻早幾日o既討論：厚沙床一問

厚沙床雖然理論上可行，但實際上存有太多問題同風險，個人唔建議使用，特別係新手。想要有沙面裝飾，兩三寸o既沙床都可以接受，但唔好期望佢有咩過濾硝化效能，而且一定一定要定期清洗。
生物石雖然有過濾功能，但一缸之內能擺放o既量始終有限，大多都唔足夠畀整缸所需o既硝化菌居住，所以佢都係裝飾之餘兼有濾水功效，效率上比沙床較好，但好少玩家可以單以生物石＋簿沙床呢種咁天然組合就玩到RT。除非你有純水之類o既潔淨水源，密密換水之餘又忍手只係養幾件珊瑚就算。


實際咁講，沙床同生物石只可以作為化系統o既輔助，碳源、石仔同養草，呢三種仍然係最可靠建立硝化系統o既方案。

小魚毛

great. 發表於 2020-6-3 22:52
師兄，咁請問如果我喺珊瑚缸道放左生物石/鋪厚沙，咁個濾桶係咪只放白棉就得？

仲有，珊瑚缸o既過濾系統經常要拆洗更換濾材，濾筒呢種密封式設計只啱純魚缸用，你將濾筒用喺珊瑚缸度只會羅苦呢辛，長遠只有用背濾或者滴濾缸，咁至可以方便珊瑚缸以化氮加其他過濾設備o既運作方式。濾筒留翻畀fot用算啦。

great.

小魚毛 發表於 2020-6-5 16:38
關於厚沙問題，你睇翻早幾日o既討論：厚沙床一問

厚沙床雖然理論上可行，但實際上存有太多問題同風險， ...

好清楚，唔該晒師兄！