長出很多海草，很難搞！

garrytwins

各位大大
想問問為什麼珊瑚缸一直都出很多海草, 清理完又有,
究竟是什麼問題?

darkmatter

光照光譜研究下，係米利草生長。或者設一藻缸有更利草光照引佢地去藻缸

darkmatter

還有看下是否水太肥

garrytwins

師兄:水太肥啫係咩意思呀?
如果係佢點搞呀?

darkmatter

太肥水米換水

garrytwins

thank you

小魚毛

garrytwins 發表於 2021-3-20 22:14
師兄:水太肥啫係咩意思呀?
如果係佢點搞呀?

如果係珊瑚缸，水肥換水都未必解決到問題。
先要睇o下係咩草卅藻，生喺邊度。珊瑚缸爆草卅藻，九成九都係無阿媽生－－石頭爆出呢！

問題源於缸水營養鹽－－NO3 & PO4長期偏高，即係一般所謂水肥，對珊瑚呢講其實係污染源。生物石會吸收呢啲水中o既污染物，但吸到咁上下就會飽和，跟手就會調轉成為釋放o既源頭，吸引草卅藻生長。所以換水只可以溝淡水中o既NO3 & PO4，但對石入邊o既NO3 & PO4就無符。就算你抆草換水，轉頭又爆畀你睇。

小魚毛

解決方法可以有好多：
1)熄燈可以暫時止痕，但珊瑚唔可以無光照，到你開翻燈佢又再爆過。
2)換水係必須，效果有限但唔可以唔做，max 每星期50%，減淡營養鹽之餘亦可以避免水質震盪。
3)針對問題根源，處理石係必須。抆草之餘更加要洗石，喺唔要o既舊缸水入邊擦乾淨嚿石，除草之餘都有助嚿石釋放NO3 & PO4，不過就長期作戰，個個禮拜換水咁玩都起碼拖你三幾個月。
4)可以考慮換石，但如果換走太多石，等於重新開缸，重行N-cycle，傷亡難以估計。
5)生物除草都有唔少選擇，狐狸、寶石蟹、駱駝蝦都係reef safe，不過生物清潔隊效率有限，只可以當輔助。
6)市面有藥水稱可以除草，不過唔同產品針對唔同草\藻種，你唔知自己爆咩未必配啱，而且對珊瑚有無影響都無保證。

2、3係必須，即使效果慢，但唔可以唔做；5亦都唔可以少，就算無爆草，平時喺RT看門口都應該。4、6都可能有副作用，自己執生。

garrytwins

thank you very much