新手入坑

Brandonnghk

各位師兄，新手想試水，應該養咩珊瑚？

Apo1024

閃千手

pca

養菇同扣

Brandonnghk

有無邊家店介紹？

小魚毛

養珊瑚以器材先決，唔同珊瑚要求唔同設備。

樓主想玩軟定硬？不如講清楚開咗個咩缸、養水幾耐、有咩㗎餐先。

aquazone

po4 0.03-0.08
no3, 2-5
kh 7.5-8.3
temp 24-27
以上基本要求，達到嗎？

Brandonnghk

Apo1024 發表於 2022-2-7 12:54
閃千手

師兄有無邊間可介紹？

Brandonnghk

小魚毛 發表於 2022-2-7 15:12
養珊瑚以器材先決，唔同珊瑚要求唔同設備。

樓主想玩軟定硬？不如講清楚開咗個咩缸、養水幾耐、有 ...

因為D野好粗60背 紅星70 LED燈

Brandonnghk

小魚毛 發表於 2022-2-7 15:12
養珊瑚以器材先決，唔同珊瑚要求唔同設備。

樓主想玩軟定硬？不如講清楚開咗個咩缸、養水幾耐、有 ...

我打算養軟珊湖 做足功課先升級普普通通粗生珊湖同幾條海底奇兵

Brandonnghk

aquazone 發表於 2022-2-7 15:40
po4 0.03-0.08
no3, 2-5
kh 7.5-8.3

P4 0.05
N3 3-4
KN 8.5
現測出

小魚毛

Brandonnghk 發表於 2022-2-13 03:02
因為D野好粗60背 紅星70 LED燈

背漏好過濾桶。60L定60cm？所有器材都要配合魚缸水量，唔可以搞錯。

搵唔到紅星70 o既資料，係水草燈定珊瑚燈？如果係前者。佢o既光譜未必啱珊瑚，其他嘢搞定，有筆直就最好換咗佢；如果係後者，LPS軟珊瑚對燈光要求唔算高，粗粗地都可以玩落去。

小魚毛

Brandonnghk 發表於 2022-2-13 03:04
我打算養軟珊湖 做足功課先升級普普通通粗生珊湖同幾條海底奇兵

珊瑚無所謂粗生，如果唔係，就成個海都有珊瑚，洗嘜走到去菲律賓或者大堡嶕睇？

你可以咁諗：SPS係淺水區珊瑚，光照強、浪大，水流量高，所以水質非常潔淨；LPS係中層岩嶕生長o既珊瑚，水較深，光照及水流相對較弱，水質亦次一級。養珊瑚就係要盡量模擬出佢地原生環境，因為佢地對環境非常敏感，少少改變就足以令到佢地急促白化（死亡）。珊瑚缸有咁多器材，目的都係為咗維持個缸o既環境穩定，養珊瑚除咗要熟悉生物特性，亦都要掌握器材o既運用、運作原理&方法，否則一個簡單o既失誤，就可以一夜間盡毁幾年心血。想簡簡單單咁玩，不如玩FOT好過。

另外咗除珊瑚同魚，蝦、蟹、貝類、海星、海膽、海蔘⋯⋯唔同生物喺珊瑚缸中都有佢o既角色定位，對維持個缸o既生態平衡有一定作用，呢方面o既功課都唔可以慳。

小魚毛

Brandonnghk 發表於 2022-2-13 03:05
P4 0.05
N3 3-4
KN 8.5

水質都可以玩到 LPS，不過如果想啲珊瑚狀態好啲，咁就最好再撳低啲NO3 & PO4 。

有無造流&水冷？

小魚毛

Brandonnghk 發表於 2022-2-13 03:01
師兄有無邊間可介紹？

唔好諗住去某一間舖，就可以買齊所有嘢。

養珊瑚係非常小眾玩意， Market細，所以舖頭都唔多；亦都因為技術&專門知識要求較高，好多魚舖Sales都未必搞得掂；所以我建議你以舖頭貨品o既專精度去衡量佢o既可信度，又鹹又淡o既舖頭，睇o下無防。事實上珊瑚友多去o既舖頭，都可以再分成專賣器材同專賣生物兩類，呢啲舖頭都唔喺魚街地下開舖，因為租金太貴，但呢啲One Man Shop o既老闆往往至係真正o既專家，唔會為咗生意，亂吹亂氹啲客買嘢。

留意翻呢個網站o既商店通告∼生物，魚街o既樓上舖、魚街以外o既其他舖頭有貨到都會喺度出Post，通常一有貨返，珊瑚友就會喺舖頭等掃貨，其餘時間去o既就只有貨尾，所以揀時間去買，比揀舖頭買更重要。

珊瑚唔係工廠貨品，唔會排晒喺舖頭魚缸等你去揀；行多幾轉，去多幾次，問多幾間舖，慢慢至會搵到心頭好，其實咁都係養珊瑚o既樂趣之一。

Brandonnghk

小魚毛 發表於 2022-2-13 12:39
背漏好過濾桶。60L定60cm？所有器材都要配合魚缸水量，唔可以搞錯。

搵唔到紅星70 o既資料，係水草燈定 ...

60CM LED珊湖燈
紅海星70 蛋白

Brandonnghk

小魚毛 發表於 2022-2-13 13:18
水質都可以玩到 LPS，不過如果想啲珊瑚狀態好啲，咁就最好再撳低啲NO3 & PO4 。

有 ...

有浪無水冷

aquazone

小魚毛師兄講得很中肯,thx ching🥰🥰🥰

小魚毛

Brandonnghk 發表於 2022-2-13 14:53
有浪無水冷

水冷要諗清楚，sps要26度水溫，LPS都要28度以下，無咩珊瑚頂到30度水溫。

以香港o既天氣，無水冷根本無咩珊瑚養得到，你最遲只可以拖到四月。除非你屋企長開冷氣，否則60cm缸唔洗諗電子水冷，最cheap o既海利又好，二手又好，點都要入一部壓縮機。大熱天壞水冷可以好大鑊，幾日就足以燒你大半缸珊瑚，絕對唔講得笑。

小魚毛

aquazone 發表於 2022-2-13 16:28
小魚毛師兄講得很中肯,thx ching🥰🥰🥰

ching客氣。

養珊瑚o徒錢又難玩，我只係想啲新手洗少啲冤枉錢、行少啲冤枉路，個餅做唔大，我地呢批玩家o既選擇都只會愈玩愈少。

Brandonnghk

小魚毛 發表於 2022-2-13 18:35
水冷要諗清楚，sps要26度水溫，LPS都要28度以下，無咩珊瑚頂到30度水溫。

以香港o既天氣，無水冷根本無 ...

我背濾好似無咩位裝水溫我諗我應該長期冷氣
話時話師兄 我早幾日買左個扣同草地
扣好似生得幾好 但草地早幾日都開得幾好 但呢兩日就得一兩個出幾MM就收返入去
點算好