請選擇 進入手機版 | 繼續訪問電腦版

海水領域 SeaFishZone

 找回密碼
 立即註冊
查看: 12092|回復: 133

事實真相。。。。。。   [複製鏈接]

Rank: 6Rank: 6

發表於 2017-4-21 04:00:55 |顯示全部樓層
本帖最後由 K-Corals 於 2017-4-21 04:01 編輯

我剛剛才完成今天的工作,回到家。抱歉讓大家久等。

門面說話不多講。
如果您是有心了解事實真相,歡迎大家繼續看下去。相反,如果您一早抱有立場,認為我只是一名“搵客笨”,“呃飯食”,“HEA做”,“不負責任”之人。請您將此頁關上。

大人做大事,明人不做暗事。
我會將我和陳先生的Whatsapp對話圖完全上載至此,當中我的語音對話亦會用文字加以表述。

我會先讓大家了解所有Whatsapp對話圖,再向大家轉述當晚 (半夜)陳先生是以何種態度,姿態,言詞與我對話。
因為我每日能用於網上時間真的少之又少,此Post或者未能一時之間完全寫完,希望大家給予些少時間。」

我現在開始將我和陳先生的Whatsapp對話圖完全上載至此... ...
地址:太子(太子站B2出口 即見)聯合廣場 東海大廈 601室。
營業時間:星期一至五下午6:00-9:00。星期六 下午3:00-9:00 (紅日休息或需預約)。
K Corals 水族工程 : www.facebook.com/k.corals
尚品魚缸玻璃廠: www.facebook.com/chinaeai
歡迎各位查詢:大根 (852) 9758 5626 / 梁小姐 (852) 9277 2652

Rank: 6Rank: 6

發表於 2017-4-21 04:01:43 |顯示全部樓層
本帖最後由 K-Corals 於 2017-4-21 05:45 編輯

黑色數字為語音標記。
因為對話內容涉及第三者名稱,涉及陳先生的地址,我會一一用黑色筆遮擋,希望尊重對方私隱。

C1.png
1。今日有D論盡,因為我有D貨到咗,同埋夜晚都約咗個客度尺,但係我聽日係OK嘅,但你睇下聽日方唔方便,如果方便就可以黎我鋪頭睇下先都得,又或者你想我直接去你屋企度尺都得。
2。我今日唔會返鋪頭但鋪頭會有人係度,如果想睇我地一D Sample櫃可以上我地鋪頭,今晚收9點。因為我出咗去做野,未必返得切黎,唔好意思。
小結:2016年12月3日 上午11:30﹣14:45
陳先生想約我上門睇位,而我有事做未能即日上門。


C2.png
C3.png
C4.png


3。你可唔可以比一比地址我?我在貝沙灣開車過黎。
4。可以做百葉嘅,一度門加$350,呢個係人工錢。
4.1。你一加,加一對好過加一隻喎,加一隻會唔會無咁靚,唔係好對稱咁啊?
5。而家我正面果邊同你改一對百葉丫。
小結:2016年12月7日 下午6點左右開始前往陳先生家裡度位,提供我個人經驗後,大家同意電腦出3D圖。
同日晚上11點至12點期間陳先生傳給我現有舊缸的相,討商後決定做百葉門,我亦清楚標示一對百葉門總共是加$700。
(陳先生第一次通知作出修改)


C5.png

6。無問題,我做好之後會比個櫃內尺寸你嘅,到時你可以簡單用紙筆劃一劃比我睇你想點樣間隔。
小結:2016年12月8日 晚上8點半左右 陳先生表示會比最後定稿我,因為他有些東西想執執。(陳先生第二次通知將會作出修改)


C6.png
C7.png
C8.png
C9.png
C10.png
C11.png
C12.png


7。你上水果兩個窿想係3吋嘅空間嘅窿開返個窿丫麻?咁個窿要開幾大呢?
8。咁我比個1吋喉過到嘅位置就OK啦。但你念住用喉做還是用我的出水咀做?
9。因為用我的出水咀做就會開45mm.
10。陳先生傳來他的朋友語音:你個枕頭遮果條線呢一定要......最低位要低過或者平衡你而家岩岩好個上水坑...落水坑...落水坑個最低位
11。陳先生傳來他的朋友語音:遮唔到枕頭條那就唔好睇嫁啦。
12。我唔明佢講咩野喎。
小結:2016年12月9日 00:55 陳先生通知作出四項修改(詳細請看圖及文字。)而於早上10點左右再有第五至七項修改,到下午接近三點陳生先傳來他的朋友語音,個半小時後,陳先生再通知喉位不用改。(即是通知我改,改完後又決定不用改,此為身三次修改。)

暫時小結到這裡,明晚會再更新,會解釋到其中有部份魚友提及有關於點解要加中柱?點解中柱咁幼?點解唔加中柱等等相關疑問。
各位晚安,明天還要外出,先休息。

地址:太子(太子站B2出口 即見)聯合廣場 東海大廈 601室。
營業時間:星期一至五下午6:00-9:00。星期六 下午3:00-9:00 (紅日休息或需預約)。
K Corals 水族工程 : www.facebook.com/k.corals
尚品魚缸玻璃廠: www.facebook.com/chinaeai
歡迎各位查詢:大根 (852) 9758 5626 / 梁小姐 (852) 9277 2652

Rank: 6Rank: 6

發表於 2017-4-21 05:47:46 |顯示全部樓層
本帖最後由 K-Corals 於 2017-4-23 03:35 編輯

2017年4月23號 03:28 更新。


抱歉昨夜沒有更新,因為完成工作回家已經是半夜4點,今天早上9點又再出門工作,加上今晚通宵工作,真的需要時間休息。我一開始打算上載所有對話的原意是希望讓大家看清楚成件事情的始沒,而非只上載某一段圖片就當成事實。

如今看來,大部分人都不想透過對話圖了解真相又,既然如此,我就不再花時間上載圖。

但我歡迎有心了解真相的人親自找我,我會讓你看清楚所有whatsapp 內容。


未見面前,陳先生透過他的朋友向我查詢訂造缸櫃價錢,說好了不會找我安裝喉管,不會找我訂器材,不會找我安裝水冷,我回覆了價錢並說了造缸櫃需時6星期左右。陳先生知道及同意價錢後想我到場出圖。

大家溝通過後,我給予我的經驗加上他的想法去完成缸櫃圖。陳先生看過圖,尺寸,資料正確。


出圖後,陳先生向我表示,希望農曆新年之前能夠有新缸櫃到達,因為他想將舊缸的魚和水轉到新缸,並需要時間處理舊缸。我亦明白每位近年尾做新缸櫃的客人想趕用新缸過年。我向陳先生表示農歷新年是1月28號,而大約提前兩星期即14日左右,我廠國內的玻璃材料及木材供應商會陸續開始放假,工人趕春運,而國內的魚缸運輸亦會因大量其他人的訂單而開始停收新單,所以我們要爭取時間在1月14號之前完成整套缸櫃。


當時我去現場出圖是12月7號,距離1月14號尚有大約5星期,我表示只有5星期,未必能夠趕及農曆新年前到缸櫃,有可能要農歷新年後才到缸櫃。之後他多次叫我「拍硬檔」趕起套缸櫃給他,我清楚表明若然要我答應確定年前一定有新缸到是不太可能的,我亦說了不是錢的問題,就算加錢趕工,工序都不會因此而加快,因為我們做的是手工缸櫃(#1.註解。),亦解釋過如果為了趕起貨而令缸櫃手工質素降低令客人不滿,我寧願不接此單。


陳先生表示理解,及後他再說「拍硬檔攪攪佢」。開單時,陳先生問我是否有折,我跟他說9折吧,櫃身已經無加錢(#2. 註解。)真的沒辦法再給予再多折扣,他表示ok,然後我就開單,離開現場。

出圖過程中,陳先生表示是養純魚缸,沙缸想放棉兜,想盡量用沙缸放最多的生物環,放BK200,我向陳先生說等櫃有初形,師傅內籠報實際尺寸後,我會通知他,到時才訂器材就較為保障。有見於他表示想用盡沙缸位置,我提出了三個做櫃的方法。


方法1. 櫃身用木板之餘內裡落木方陣,四邊各用木方承重,但木方佔空間,會令沙缸減少空間。廠會因應主缸及沙缸不同尺寸,玻璃厚度去選擇用幾厚木板,幾厚木方。

方法2.櫃身裡邊不用木方,但在前中置一條木柱,用來承重。

方法3.木櫃包鐵架,此方法是最穩固,最常用於跨度較大的魚缸。但此做法令木櫃裡佔位,沙缸同樣會因此而減少了空間。


陳先生當時說鐵架方案不會考慮,因為要加錢。他再有問過能否不用木方陣亦不用置中木柱,因為佔位。我回答說不能,因為主缸高而且是用5分玻璃,連水體計,一共有差不多1400磅(#3.註解)絕對不能只單靠櫃身的木板去承重。必須要選其中一個方案去做。傾談過程中,他選擇了做內籠四木方結構。


先不說陳先生從第一日出圖到傳圖紙給廠師傅過程中修改了很多很多次缸櫃圖。有些甚至乎原本的修改都未作出修改就已經再作出修改。直到12月24號連木櫃部份初形都出來了,他收到過程相(#4.註解)他仍然要要求改設計。


櫃初形都出了,仍然要改,是要師傅將原本的櫃重新分拆再做?還是要我放棄進行中的木櫃再去開木材做隻新櫃?我明白客人一日未話最終定案都可以無限修改,但我多次提醒了陳先生要看時間日期做事,未有定案一再修改只會拖延進度令到圖紙遲交到廠,如想「拍硬檔」趕在新年前到缸就真的要考慮清楚如何修改。他責備我沒有提供我的意見才令到他要靠朋友幫忙作出修改,但事實是我已經不停提出我的意見,只是他沒有聽取。


一直到新缸到,他的朋友處理駁喉後,再一次與我聯絡,要求我上門檢查魚缸,我問他魚缸出現什麼事,他說魚缸漏水,一開上水泵就漏水,沒有開泵就不會漏水,於是我叫他傳一條短片給我看是那一個位置出現問題。原來是他的駁喉位漏水(他的魚缸不是我駁喉),叫我上去跟進,指出我魚缸是有保養理應我要上門跟進。但不是我廠出品本身有問題,我當時說不會因此而上門,他反問我是否要再比錢人地駁喉,我有告訴他是什麼位置出現問題亦有教他如何解決駁喉漏水。之後他就按我的方法處理好便沒有再說喉管漏水。


直到4月19號,凌晨12點10分左分在whatsapp傳相給我說櫃變形,中柱不能安裝,怕有危險。但我當時正在港島區工作,直到工作完結,我返回車裡看到陳先生如此信息,和兩個未接來電(來電時間是凌晨1:10),我便立即回電如他。
對話大約如下:

我:陳先生,我岩岩做梗野,唔知道你搵我。看到圖,你說櫃變形係咩一回事?

陳:你快d上黎啦,隻櫃用咗幾個月就變哂形,連條中柱都放唔返入去。(當時我覺得好奇怪,為什麼中柱會不能裝回原位,亦好奇怪隻櫃點解會變形?而佢亦好心急。)

我:我睇到相,條中柱入唔返,正常一直都應該係無問題嫁喎。你隻缸做過啲咩野攪到裝唔返中柱?(因為我對我廠出品一向有信心,我廠用一直用實木板,實木方,堅拒用蔗渣木板。而正常有水重,條木柱是沒有可能拿走。)

陳:條柱我拆黎駁喉,駁完喉,梗係有落水啦,我第一日開始都已經係咁樣行水,一直到岩岩裝埋肽炮,我就裝唔返條中柱囉。我連用錘仔揼都揼唔返入去。(此時,我已經知道係因為主缸滿水,而他亦沒有在注水前裝回中柱,因此主缸連水體太重令正前方木櫃面微微下墮。)

我:哦,我明啦,你而家先嘗試放走三份一缸水,睇下中柱裝唔裝到⋯⋯(我未講完,佢就打斷我。)

陳:放咩走啲水姐?而家係你隻櫃有問題啊!你要全權負責返,你明唔明咩叫負責啊?你上黎我屋企睇啦。魚缸佬!(此時,佢態度,語氣已經開始不友善。)

我:陳先生,你冷靜啲先,我哋而家係解決緊問題⋯⋯(我都係未講完又俾佢打斷左說話。)陳:有咩好講?我叫你上黎就上黎睇啦,你個櫃有問題啊。X你老母!

我:陳先生,你咁唔冷靜,我地解決唔到問題... (又打斷我說話。)

陳:你張單寫明有保養,而家隻櫃變形,你咪要上黎囉,講咁x多野做咩?

我:陳先生,我張單係有話隻缸櫃有保養,但唔係包人為損耗而破壞缸櫃去保養。否則客人收到我隻缸,幾個月後想轉缸,人為破壞隻缸,難道我又要負責?

陳:我而家問你上唔上黎?

我:因為隻缸櫃唔係本身有問題,我唔會免費半夜上黎,如果我上黎我要收檢查費。

陳:咁我而家隻櫃點算?

我:你先放走三份一水,再安裝中柱。如果唔得,再放走,一半水,再試安裝中柱。再唔得,全缸水放走,再試安裝中柱。應該係無問題。陳:咁如果最後放哂水都安裝唔到中柱咁點?

我:如果放走晒啲水都安裝唔到中柱即係果櫃結構已經有一定損耗。未必用得。陳:我唔理咁多,你直情換過隻櫃比我啦。

我:無問題,新隻櫃收返$5000,$1000係運費。

陳:我xx你,做隻櫃要$5000,我要你免費換啊!(情緒已接近失控咁。)

我:$5000裡面$1000係運費,$4000真係成本咁做,如果你有運輸,你可以自己去搵運輸運隻木櫃落香港,我可以收你$4000。

陳:條中柱如果咁重要,你唔講條柱唔拆得?

我:條中柱無預你拆走然後落水行缸。

陳:你即係唔免費換啦,仆x?

我:唔好意思,唔係我廠錯,我唔可以免費換比你。希望你明白。

陳:好,你唔換我就去消委會投訴你。我有朋友做律師,搵佢去告你。再上網唱衰你。

我:你要點做我控制唔到,你要點做係你權利。你上網講我,我亦控制唔到,但最緊要你將事情一五一十講出黎。如果你要告我,無問題,有需時,我都有律師朋友可以幫忙。

陳:咁x串,我就睇你點死。我實攪到你一個客都無。(我為了不想再讓陳先生情緒惡化下去,我說我電話有錄音功能。佢就立即cut我線。)直到我再處理下一單工作後,大約40分鐘後,我再打電話給陳先生。

我:陳先生,大家成年人,無謂鬥氣,你先放左啲水,裝返柱先。如果唔得就唔好再行水。

陳:咁我啲魚點?我啲魚死咗,你賠啊?我:我同你屋企都有小朋友,我緊張嘅係隻缸櫃安全問題為第一。

陳:我頭先話我從來無入柱係發晦氣說話,其實我只係拆咗出嚟三四個鐘裝支肽炮。而家我唔歡迎你上黎。(講完呢句佢就收咗線。) 其實我想問佢,佢講一直行緊水,如果有裝中柱,點可能拆到條中柱出黎呢?為什麼你從頭到尾都針對話我態度有問題?不停對外說你很斯文,一個粗字都無講到。事實呢?靠口碑去做生意如我,為什麼要對你態度有問題,我太得閒自找苦吃嗎?我需要故意挑起紛爭嗎?由一開始你知道沒有免費櫃換,就話要搵消委會,搵律師,又要唱衰我,威脅我屈服。到頭來就話是我多次叫你上網搵人評理。

我教你放走水再裝中柱,你話我無講,反話是你自己念到這樣做。早在見面出圖時,我提出三個方案時已經解釋了中柱作用,但你仍然勇於拆走中柱去行水,再話是櫃出現變形與你無關。常識都知道不能行水拆走中柱,但你不知道。你說你用錘仔揼左好耐都揼唔入,但你又會在我們電話對話後識得裝返中柱?

你說是你要求加中柱,說我圖無中柱,我們一早面談出圖時已經確認了用木板加四條木方去承力,後來是你改要用前置木柱。我有告訴你相中我傳給你的木櫃圖是製造櫃的過程相,並證明是實木板,我不會用蔗渣版。

你就用這相話我本身沒有加中柱。你說中柱用1.5寸至2寸,因安全理由,我建議中柱最起碼要用2寸乘3寸。而你亦決定做2寸。一直無裝中柱,1400磅的力就分散落櫃三邊,最終亦令水重分散櫃兩身兩腳,所以出現陳先生相中指木櫃右邊腳位裂漆,左邊做了電箱,木板較多,承重力相對較強。

大家亦可以睇到裂漆的木板是有一定厚度。裂漆影響了外靚但不會影響結構安全。

你經常話自己是新手,什麼都唔識。根本一早有隻缸,養什麼價位魚大家有眼睇?新手會養這類魚?新手會一早有隻缸養魚?

陳先生沒有講件事全部,不停話自己是新人,不停講大話去營造自己是受害者,不停製造大話去誤導大家令大家去覺得是我錯。再製造大圍壓力去意圖令我屈服去做隻新櫃免費換給他。


#1. 我廠的師傅會先做櫃,櫃有了初形,就開始做主缸,因已經有櫃初形,師傅會報實櫃內籠位置尺寸,最後根據櫃內實際尺寸做沙缸設計。我廠的師傅是先按尺寸開板,上灰,修灰,磨木,噴漆,打磨,拋光等等一步步去做。我廠用的不是組合木板,亦不是現成貼木紋膠紙木板,無法跳過其中一項工程去為了完成趕工。

#2. 到達現場,原來陳先生的櫃是需要開前後門(報價時,我是完全不知道,而他的朋友亦沒有提過。),而不是平常的櫃只需開前門,因為他這套缸櫃是用來間廳,我告訴他雖然材料沒有用多,但師傅花的手工和時間亦多了,正常這類櫃的報價是稍有不同,但我說因爲陳先生是經朋友介紹,當是少少心意,這裡不用多收費用。#3.每位做缸的客人,當客人報價出圖後,廠裡師傅會為每隻缸計算水量連缸重量。


成件事,首先我要贊揚一下我廠師傅真的用心做櫃,真材實料,差不多三個月不用中柱,不用四條木方,原來我廠木櫃是不會倒塌,而中柱經過陳先生敲擊後,依然安然無恙,證明廠師傅是沒有偷工減料。大家可以到我的公司專頁看看所有缸櫃相片,全部都是穩穩妥妥。

第二,我是不會因為陳先生個人人為錯誤導致櫃身有損壞而作出任何賠償。

第三,我知道回應當中有人是水族同行,有人是打手,但我想同大家講,同行不是敵國,有上過我鋪的人都知,我沒有魚賣,魚友問我可以去那間鋪魚,我都會介紹不同鋪,亦有介紹魚友去地鋪買不同類型的藥水,器材。我明白到一間鋪是不可能賺到所有人的錢。水族這行不會令人發達。

第四,人互人之間是基於互相尊重,無論那一種關係亦是。如我出糧給PART TIME,我請他做事亦會唔該前唔該後,出糧給他,我是老細,老細不代表可以隨意指罵伙記,隨意將其他事上的不如意向他發泄。

第五,此post後,我不會再作任何回應,一來我真的沒有時間長期攪網戰,二來決定不相信我的人,就算我再解釋再post相,這些人都不會相信,大家喜歡相信什麼就相信什麼,我沒有所謂,大家亦不要再被有心人利用,人前人後一個樣,而我亦無時間再為此事糾纏下去。


最後,多謝有為我發聲的客人,你們的心意我完全收到。

各位,香港珊瑚或魚的水族店愈來愈少,請大家多多支持自己心儀的店鋪,好讓多些店鋪仍然能繼續營運下去。


祝 各商家事業蒸蒸日上!玩家身體健康!

謝謝。

地址:太子(太子站B2出口 即見)聯合廣場 東海大廈 601室。
營業時間:星期一至五下午6:00-9:00。星期六 下午3:00-9:00 (紅日休息或需預約)。
K Corals 水族工程 : www.facebook.com/k.corals
尚品魚缸玻璃廠: www.facebook.com/chinaeai
歡迎各位查詢:大根 (852) 9758 5626 / 梁小姐 (852) 9277 2652

Rank: 7Rank: 7Rank: 7

發表於 2017-4-21 06:42:46 |顯示全部樓層
暫時剩係睇到廢話,幾時到重點,爽手少少

Rank: 7Rank: 7Rank: 7

發表於 2017-4-21 07:15:02 |顯示全部樓層
既然你係明人不做暗事,你不如一次過啦,講清楚佢啦!!錄音放出嚟好難咩?我唔識,但如果咁耐都唔澄清一下,仲要唧牙膏式咁出post?

Rank: 7Rank: 7Rank: 7

發表於 2017-4-21 07:25:07 |顯示全部樓層
就甘睇內容,完全唔明有咩問題喎,反而顯得你搞笑,出d完全唔關依家大家討論既問題

Rank: 7Rank: 7Rank: 7

發表於 2017-4-21 07:26:11 |顯示全部樓層
攞13000出嚟造缸,而你講比我知,出圖後兩日內要決定,如果唔係唔改得!
我又係新手,咁你又無主動同我講個缸會點設計,我問魚友意見,作修改,原來係唔可以?

Rank: 7Rank: 7Rank: 7

發表於 2017-4-21 07:31:17 |顯示全部樓層
你話我嗰晚過程中說話態度、姿態、言語⋯
我當晚得到你咁既回應,連一個字既粗,都無講過,我已經好克制、同禮貌了

Rank: 3Rank: 3

發表於 2017-4-21 08:13:46 |顯示全部樓層
K-Corals 發表於 2017-4-21 04:01
黑色數字為語音標記。
因為對話內容涉及第三者名稱,涉及陳先生的地址,我會一一用黑色筆遮擋,希望尊重對 ...

睇你張初步魚缸圖,覺得好小學雞,又或者係個局,逐步逐步改設計而另加收費!
1 咁鬼大個電箱位,有小小常識嘅人都會送件活動層板
2 魚缸櫃用百葉門散水氣通風,訂家可能唔識,你都有責任提醒訂家
3 主缸頂一係唔做擔,要做就做4邊擔:做3邊擔就真係……

總結:覺得份設計圖,好行貨……或者係我唔識……

Rank: 7Rank: 7Rank: 7

發表於 2017-4-21 08:30:20 |顯示全部樓層
大飛哥師兄,正正係你咁既講了⋯⋯我比魚友睇,佢哋就係話個缸點解完全無細節位,點解一些好簡單既設計都無⋯⋯

Rank: 7Rank: 7Rank: 7

最佳新人 論壇元老

發表於 2017-4-21 08:40:22 |顯示全部樓層
留位……………追小說咩

Rank: 7Rank: 7Rank: 7

發表於 2017-4-21 08:44:30 |顯示全部樓層
本帖最後由 fabius 於 2017-4-21 08:45 編輯

受人錢財替人消災,個客語言態度係一件事,你有無盡自己責任攪掂件事又係令外一件事,收得人錢受氣就鳩梗,唔做咪唔駛受氣,唔好將問題轉移去個客態度度.你食緊人13000元36寸濕鳩缸,賺緊成皮呀老友

Rank: 6Rank: 6

最佳新人 活躍會員 熱心會員 論壇元老

發表於 2017-4-21 08:56:11 |顯示全部樓層
好明顯就想話比人知,其實系個客仆街,所以我就系甘對個客。

不過呢。。 故意慢慢出料,肯定有問題。。 大家吾好跟車太貼 。

睇佢拖到幾時,一日未交代清楚,印定傳單出街派啦,米撚上網賣廣告
你當我隱形,我當你透明。

專業派傳單穩拖鞋

Rank: 2

發表於 2017-4-21 09:32:47 |顯示全部樓層
佢要由訂造開始講起,咩用意?好明顯就係想話俾人知前因後果……話俾人知呢個客由一開始已經要求多多,左改右改,麻柒煩,所以其實一早睇佢唔順眼,一早已經唔想接呢單野,依家所講既態度差係一路積落嚟既,然後就順手搵個借口cut埋佢保養……

Rank: 7Rank: 7Rank: 7

發表於 2017-4-21 09:37:23 |顯示全部樓層
各位師兄,明察!
亦可睇下小弟,既態度係咪咁差.....

Rank: 7Rank: 7Rank: 7

發表於 2017-4-21 09:42:26 |顯示全部樓層
derekbun 發表於 2017-4-21 09:32
佢要由訂造開始講起,咩用意?好明顯就係想話俾人知前因後果……話俾人知呢個客由一開始已經要求多多,左改 ...

講真,人地比得萬三做個36寸缸,有要求就梗,有無一個客係你是但比到個缸我漏水都得架啦?無架嗎?去到話態度,而家我比錢你衰鳩左,我唔屌你都已經比面,態度你想有幾好?對親家呀?態度?要唔要個客跪低求你執返自己手尾?一件事係一件事?收得人錢完成工作同責任係必需。

Rank: 7Rank: 7Rank: 7

發表於 2017-4-21 09:44:45 |顯示全部樓層
accp220 發表於 2017-4-21 09:37
各位師兄,明察!
亦可睇下小弟,既態度係咪咁差.....

差又如何?唔差又如何?係咪個客態度差就唔駛交正常貨比人?咁佢交d貨唔掂好難可以態度好。

Rank: 7Rank: 7Rank: 7

發表於 2017-4-21 09:51:20 |顯示全部樓層
如果比得錢咩都冇要求
個個都去左開鋪啦
洗乜打份牛工
開得鋪自己做大既唔想比老細炸型咁就梗係睇客面色
又唔係富二代就收皮先
大前提我剩係睇到老師提出自己既要求同徵詢大根意見
亦到睇唔出就以上對話老師態度有咩問題
如果買家乜鳩都識
成皮野就唔輪到比你賺啦
你仲邊有錢係旺角
間鋪都返左入沙頭角
錯就要認 打就要企定
懵撚 柒下柒下咁

Rank: 7Rank: 7Rank: 7

發表於 2017-4-21 09:51:57 |顯示全部樓層
萬三蚊做個3尺缸,改幾次圖都唔得,唔撚係呀?
2013-10-1開缸(60X24X30)JP11000,化氮H&HV101己改A/C12000泵,diy LED 216W
仙魚:大法仙,西非仙,大黃帝,黃帝,紫月,PK,東圈,阿拉伯,馬安,澳洲仙,耳班,灰仙Bx2,天黃仙,
蝶魚:人字X2,,金雙印x1,金蝶x4斜紋x1,神象X1,黃網X1,月光x1
吊魚:藍吊x2雞心x2金毛吊,黃吊,紫吊     其他:,小丑X2  
魔魚:青魔X4橙魔X1        合共:39

Rank: 7Rank: 7Rank: 7

發表於 2017-4-21 09:52:41 |顯示全部樓層
佢而家做緊架叫偷換概念,一件事係一件事,將其它唔關事架野啦埋一齊,令到人地有錯覺覺得佢都係受害者再轉變話題
您需要登錄後才可以回帖 登錄 | 立即註冊

Archiver|手機版|SeaFishZone 海水領域™

GMT+8, 2017-8-22 05:44 , Processed in 0.351944 second(s), 15 queries , Gzip On.

Powered by Discuz! X2

© 2001-2011 Comsenz Inc.

回頂部